MADHAVRAO PATELS
రామాలయంలో ఏప్రిల్ 4న శాస్త్రీయ నృత్య కళా పోటీలు
మనోరంజని ప్రతినిధి ముధోల్ మార్చి 29 :- నిర్మల్ జిల్లా ముధోల్ మండల అష్టా గ్రామంలో ఇటీవల శ్రీ రామాలయాన్ని నిర్మించారు. అందులో భాగంగా శ్రీరామనవమి సందర్భంగా ఉమ్మడి ఆదిలాబాద్ జిల్లా నుండి కాకుండా ఇతర జిల్లాల నుంచి నృత్య కళాకారులను తమ ప్రదర్శనలను ప్రదర్శించుటకు అష్టా శ్రీ రామాలయ కమిటీ ఆధ్వర్యంలో శాస్త్రీయ నృత్య పోటీలు నిర్వహించనున్నారు. ఏప్రిల్ 4 నుండి తమ పేర్లను నమోదు చేసుకోవాల్సిందిగా ఆలయ కమిటీ వారు ఒక ప్రకటనలో తెలిపారు. ఏప్రిల్ 4 నుండి సాంస్కృత కార్యక్రమంలో భాగంగా ఆసక్తిగల కళాకారులను తమ పేర్లను నమోదు చేసుకోవాలని ఈ సందర్భంగా వారు పేర్కొన్నారు. వచ్చేనెల నాలుగో తేదీ నుండి సంస్కృతి కార్యక్రమాలు ఉండగా సాయంత్రం ఐదు గంటల నుండి రాత్రి పది గంటల వరకు సంస్కృతిక, క్లాసికల్ నృత్యలు, జానపద నృత్యాలు, సెమి క్లాసికల్, వెస్టిన్ జానపద నృత్యాలకు పోటీలు ఉంటాయని పేర్కొన్నారు. ఈ పోటీల్లో పాల్గొనేవారు శ్రీ రామాలయ కమిటీ సభ్యులకు సంప్రదించాలన్నారు. పాటకు ఉండే నాలుగు నిమిషాల సమయంలో పూర్తిచేసి సమన్వయంతో సమయపాలన పాటించి, నృత్య పోటీల్లో పాల్గొనేవారు సంప్రదాయ దుస్తులను ధరించి ఎటువంటి ప్రమాదకర విన్యాసాలు చేయకుండా అందరికీ ఆకట్టుకునేలా నృత్యాలు ఉండాలని పేర్కొన్నారు. ప్రదర్శన కారులో ఎవరి దుస్తులు వారు తీసుకొని రావాలని కోరారు. కళాకారులకు భోజన సౌకర్యం ఉంటుందని, కళాకారుల నైపుణ్యతను బట్టి పారితోషక ఉంటుందని ఆలయ కమిటీ పేర్కొంది. పారితోషంతోపాటు ఉత్తమ ప్రదర్శన కనబరిచిన వారికి ప్రశంస పత్రంతో పాటు మంచి పారితోషకం ఉంటుందని, ముధోల్ మండలంలోని గ్రామాలు తరలిరావాలని, స్వామి వారి వద్ద జరిగే నృత్య కళాకారులు చేసే విన్యాసాలను తిలకించాలని శ్రీ రామాలయ కమిటీ చైర్మన్ సంతోష్ రెడ్డి, నిర్వాహకులు రావుల శ్రీనివాస్ పత్రిక ప్రకటనలో వారు తెలిపారు
