బ్రతుకు.. బ్రతికించు.. అందుకోసం పోరాడు

బ్రతుకు.. బ్రతికించు.. అందుకోసం పోరాడు

మన ఆంధ్రప్రదేశ్ కోసం ఒకే ఒక్క త్యాగం చేద్దామా మిత్రమా !

యాచిస్తున్నాము..
అర్జిస్తున్నాము మిత్రమా ..

ఆశక్తి గల వారికి రాష్ట్రీయ ప్రజా కాంగ్రెస్ “ఆహ్వానం”

మేడా శ్రీనివాస్ , ఆత్మ ఘోష ,
రాష్ట్రీయ ప్రజా కాంగ్రెస్ ..

మనోరంజని ప్రతినిధి రాజమండ్రి మార్చి 11 :- 50 సంవత్సరాలు నిండిన వారంతా బిడ్డల భవిష్యత్ , భద్రత కోసం ప్రధాన కార్పొరేట్ రాజకీయ పార్టిలకు అతీతంగా ఏక మవుదాం ! బిడ్డలకు సంపదను , ఆరోగ్యాన్ని ఇద్దాం . ఆలోచించు మిత్రమా ..
ప్రస్తుత కార్పొరేట్ రాజకీయ పార్టి లతో ఆంధ్రప్రదేశ్ కు భవిష్యత్ లేదనేది జగమెరిగిన సత్యం . ఇంకా ఆ పార్టి లను భజంపై మోయటం మన బిడ్డల అభ్యున్నతికి, భవిష్యత్ కు ద్రోహం చేయటం వంటిది కాదా ! మిత్రమా..ఎప్పుడు చంద్రబాబు , జగన్ ను మోస్తు పేదరికాన్ని వారసత్వంగా పొందటమేనా మన ప్రగతి మిత్రమా . ఈ మధ్య పవన్ కళ్యాణ్ రాజకీయ భజనతో ఎవరికి వారు మనకు మనమే పాడి కట్టుకుంటున్నాము కాదా మిత్రమా . వీరిలో ఏ ఒక్కరైనా మనకోసం , మన బిడ్డల కోసం, మన రాష్ట్రం కోసం ఆలోచించేటోళ్ళు ఉన్నారా ! లేరని తెలిసి వారిని మోయటం తప్పుకాదా ! మిత్రమా..
అడవిలో జింకలు పులికి ఆహరంగా మారతాము అని తెలిసి కూడా వాటి బిడ్డల కోసం అడవి దాటకుండా ఆత్మ విశ్వాసంతో మనో దైర్యంతో పులిని తప్పించుకునో కొన్ని పరిస్థితుల్లో తిరగబడో అక్కడే జీవిస్తాయి . అక్కడే ఉంటాయి ..
మరి మనం మనుషులం నేడు మన కళ్ళ ముందు మనకు , మన బిడ్డలకు ఏ భవిష్యత్ కనపడటం లేదు . మన కళ్ళముందే మనం దోపిడీకి గురైతున్నాము . అయినా మనలో తెగింపు లేదు . బిడ్డలపై ప్రేమను కనపరుస్తూనే మనలో వున్న భయంతోను , బలహీనతల తోను వారి జీవితాలను బుగ్గి పాలు చేసేతున్నాము . మన ప్రమేయం లేకుండానే బిడ్డల జీవితాలను చిదిమెస్తున్నాము .
బిడ్డలను ప్రేమించే ప్రతి కుటుంబం ఆ బిడ్డలకు భద్రత గల సమాజాన్ని ఇవ్వాలనుకోక పోవటం అందుకోసం బ్రతకక పోవటం మంచి తల్లిదండ్రులు అని ఎలా అనిపించుకోగలరు మిత్రమా . నేడు ఎదిగిన మగ బిడ్డకు చట్ట భద్రత లేదు . ఆడ బిడ్డ మానానికి , ప్రాణానికి రక్షణ లేదు . ఇదేనా మన గొప్ప మానవ బ్రతుకులు …మన శ్రమను దోచుకుంటు మనం మోయలేని పేదరికాన్ని మన శరీరాల్లో ఒక భాగంగా భరిస్తున్నాము . ఏదో విధంగా చాలి చాలని అవసరాలు తీర్చుకుంటు, పౌష్టిక ఆహారానికి దూరంగా కుటుంబం మొత్తం ఆకలి తీర్చుకుంటున్నాము . అంతే గాని ఈ హీన బ్రతుకులకు మరో గొప్ప ప్రత్యామ్నాయం కోసం ప్రయత్నించక పోవటం మానవ తప్పిదం కాదా మిత్రమా ! మరి మనలో మానవత్వం వుంది అని నిరూపించుకోవద్దా మిత్రమా ..
ప్రస్తుత పరిస్థితుల్లో
ఏ మనిషి ఎంత కాలం జీవిస్తారో ఎవ్వరికి తెలియదు . బ్రతికుండగానే ఒకే ఒక్కసారి మానవత్వాన్ని ఊపిరిగా తీసుకుని భద్రత గల సమాజాన్ని మన బిడ్డలకు ఇవ్వలేమా !ఆలోచించు మిత్రమా .. ఆచరించి చూడు ఉజ్వల భవిష్యత్ తద్యం . నీ కళ్ల ముందే నీ బిడ్డకు బంగారు భవిష్యత్ ను చూపిద్దాం. సాధిద్దాం ..బలహీనమైన జింక కూడా బిడ్డ భద్రత కోసం క్రూర మృగాలను సైతం ఎదిరిస్తున్నాయి . మనం మనుషులం కదా ! ఆ మూగ జింకకు వున్న మాతృత్వం , తెగింపు మనలోను వుంది . మరి ఎందుకు ఆలస్యం . ఒకే ఒక్కసారి వుందని నిరూపించుకుంద్దాం . మురికి జీవితాలకు స్వస్తి చెప్పుదాం . సంపన్న వెలుగులను చూద్దాం ..మరణించిన తల్లిదండ్రులను అక్క చెల్లిళ్లను, అన్నదమ్ములను తలచుకుంటు స్మరించుకుంటు దుక్కించటం కాదు మానవ జీవితం అంటే వారి మరణాలకు గల పేదరికాన్ని , అకృత్య కారణాలను తుడిచి వేద్దాం . కుటుంబాలను సంతోషంగా ఉంచుదాం . రాజకీయ మార్పే లక్ష్యంగా కుటుంబంపై ప్రమాణం చేసుకుని మన ధ్యేయన్ని , లక్ష్యాన్ని జయిద్దామా ! మిత్రమా ..
ప్రస్తుత ఆంధ్రప్రదేశ్ కు హైదబాది కార్పొరేట్ సంపన్న ఆంధ్రులకు రాజకీయ చిరునామా తప్ప శాశ్వత చిరునామా మాత్రం కాదు అనేది నిజం . కార్పొరేట్ సంపన్న పెత్తందారులు ఆంధ్రప్రదేశ్ రాజకీయాలను శాసిస్తుండటం ఆంధ్రులకు అవమానం కాదా ! జన్మతః మరణించే వరకు ఆంధ్రుడుగా జీవించే వారికి మాత్రమే ఆంధ్రప్రదేశ్ పాలనకు అర్హులు . వారికి మాత్రమే రాష్ట్ర అభిమానంపై మక్కువ ఉంటుంది . అని గమనించండి మిత్రమా ..మన రాష్ట్రం నుండి మనమే స్వతంత్రంగా ఎదుగుదాం . కార్పొరేట్ రాజకీయ పార్టీకు కనువిప్పు కలిగిద్దాం . పేదరికాన్ని తుడిచివేద్దాం. సంపన్నులుగా స్థిరపడదాం . అందుకోసం ప్రణాళిక సిద్దం. మీరు సిద్ధమా మిత్రమా ! బిడ్డల భవిష్యత్ ను గుర్తించి బలహీనతలను వదిలేయండి. ఒక్క మార్పుతో మీ కళ్ల ముందు మన బిడ్డల బంగారు భవిష్యత్ వుందని మరువకండి మిత్రమా ..
50 ఏళ్లు దాటిన వారంతా ఉక్కు సంకల్పంతో ఉద్యమిద్దాం . ప్రగతిని సాధిద్దాం . యువతి యువకులు ఈ మహోన్నత చారిత్రిక ఉద్యమాన్ని ప్రోత్సహంచండి. బలోపేతం చేయండి . మేమంతా మీ భవిష్యత్ కోసం ఏ త్యాగానికైనా సిద్దపడతాం . సంపదను , భవిష్యత్ ను మీ దరికి చేరుస్తాం .
50 ఏళ్లు జీవితాన్ని చుసిన వారు అందరు సగం జీవితాన్ని చూసిన వాళ్ళమే . అందుకే ఆ వయస్సు వారు అంత వారి అనుభవాలను సమాజం కోసం , బిడ్డల భవిష్యత్ కోసం త్యాగాలకు సిద్దపడదాం . యువతకు అద్భుతమైన జీవితాలను ఇద్దాం . రండి నేను సైతం అంటు త్వరపడండి..
మన ఆడ బిడ్డలకు రక్షణ లేకపోయినా అంతర్జాతీయ మహిళా దినోత్సవం నిర్వహించుకుంటున్నాము . మన బిడ్డలకు భద్రత లేకపోయినా మానవ హక్కుల దినోత్సవాన్ని జరుపుకుంటున్నాము . చట్ట పరమైన హాక్కు బారంగా మారినా ! న్యాయం ఖరీదైనదిగా వెంబడిస్తున్నా రాజ్యాంగాన్ని గౌరవించుకుంటున్నాము . మరి మన బిడ్డల అభ్యున్నతి కోసం , మన రాష్ట్ర భవిష్యత్ కోసం మనం మారలేమా ! మిత్రమా..
నేటి పాలనలో నేరస్తులు చట్ట సభల్లోను , అన్యాయాలను , అక్రమాలను ప్రశ్నించే పౌరులు జైళ్ళ లోను వుంటున్నారు . మానవ హక్కులు నిత్యం దారి తప్పుతున్నాయి . చట్టం సాక్షిగా వేధింపులు. న్యాయం అందని ద్రాక్షగా మారింది . ఎంతో ప్రాముఖ్యత గల న్యాయవాద – వైద్య , విద్యా వృత్తులు నాణ్యత లేని ఖరీదైన అంగడి సరుకుగా మారిపోతున్నాయి . తద్వారా సమ సమానత్వం లేని సమాజంలో బిక్కు బిక్కు మంటు జీవిస్తున్నాము .ఏ ఒక్క ప్రభుత్వ కార్యాలయం లోనైనా పౌర సేవలకు సంబందించి ప్రజల మన్ననలుపొందగలుగుతున్నారా ! మిత్రమా. ప్రజలకు సేవకులుగా విధులు నిర్వహించాల్సిన ఉద్యోగులు ప్రజల పాలిట అవినీతి బక్షకులుగా మారారు . అయినా భయం, బలహీనతలతో
ఏ అన్యాయాన్ని ప్రశ్నించ లేని దిక్కుమాలిన జీవితాలకు బానిసలుగా మారి ఎలాగో లాగ బ్రతికేస్తున్నాము . ఇలాంటి ఆటవిక పాలనలో మన కోసం ఒక భద్రత గల పాలన వద్దా ! మిత్రమా ఆలోచించండి..
నేటి పోలీస్ – రెవిన్యూ శాఖలు ప్రజల పాలిట కాలకేయుల మాదిరి వున్నారు . ఈ రెండు శాఖల్లో చట్ట బద్ధమైన హక్కుతో న్యాయాన్ని పొందిన ఏ ఒక్క పౌరుడైనా / కుటుంబీకు లైనా అయినా ఉన్నారా ! మిత్రమా . మన కుటుంబ సభ్యులను మన కళ్ళముందే అవమాన కరమైన మాటలతో హృదయాన్ని చిదిమేస్తారు . చట్ట భద్రత లేని జీవితం మానసిక వికలాంగుని వలే భయంతో మౌనాన్ని పోషిస్తున్నాము . మార్పు కోసం చైతన్య వంతులం అని నిరూపిద్దాం ..ఈ మహోన్నత చారిత్రిక ఉద్యమానికి తోలి అడుగు నాదే . అందు కోసం ఎలాంటి ఒత్తిడిల నైనా , వేధింపుల నైనా తట్టు కోవటానికి నేను సిద్ధం . చివరకు నా రాష్ట్రం కోసం, నా దేశం కోసం నా ప్రాణాన్ని సైతం వదులుకోవటానికి నేను సిద్దం . సిద్దం ..నా లక్ష్యం కోసం సిద్దపడే వారు అందరు మరో స్వాతంత్ర్య పోరాట ఉద్యమంలో భాగస్వాములుగా బావించి ఈ భవిష్యత్ మహోన్నత ఉద్యమంలో మీ తోడ్పాటును అందించండి .
బలహీనతలు లేని రాజకీయాలను బలపారుద్దాం . సంపదను సాధిద్దాం .
మెరుగైన సమాజం – భద్రత గల పాలన మీ కోసం ఎదురు చూస్తుంది మిత్రమా .ఓటును ఇవ్వండి – సంపదను ఇస్తాం .. నేను సిద్దం . మీరు సద్దామా !

జై ఆంధ్రప్రదేశ్ ,
సేవ్ ఆంధ్రప్రదేశ్..

భారత్ మాతాకు జై..

గమనిక : తమ తమ నియోజకవర్గాలకు ఇంచార్జ్ లుగా బాధ్యతలు చేపట్టండి . వచ్చే సాధారణ ఎన్నికల్లో గెలుపొంది చట్ట సభలకు రండి .. అందుకోసం “రాష్ట్రీయ ప్రజా కాంగ్రెస్” పార్టి ప్రోత్సహిస్తుంది..

–మేడా శ్రీనివాస్ , MA , LLM , MA(జర్నలిజం) MA(Mjmc)
అధ్యక్షులు ,
రాష్ట్రీయ ప్రజా కాంగ్రెస్..
మొబైల్ : 9248777222 ..