కష్టకాలంలో హిందువులకు అండగా నిలిచేది హిందూ వాహిని

మనోరంజని ప్రతినిధి భైంసా మార్చి 30 :- హిందువులకు కష్టకాలంలో అండగా నిలిచేది హిందూ వాహిని అని ఎమ్మెల్యే పవర్ రామారావు పటేల్ అన్నారు. ఆదివారం ఉగాది పర్వదినం వేళ భైంసా లోని శివాజీ చౌరస్తాలో హిందువాహిని ఆధ్వర్యంలో ఉగాది పచ్చడి పంపిణీ కార్యక్రమాన్ని ప్రారంభించిన సందర్భంగా ఆయన మాట్లాడారు. హిందు వాహిని కార్యకర్తలకు తాను ఎల్లవేళలా అండగా ఉంటానన్నారు. ప్రతి సంవత్సరం ఆనవాయితీగా ఈ కార్యక్రమాన్ని చేపట్టడం అభినందనీయమన్నారు. సైన్స్ ప్రకారం చలికాలం వెళ్లి వేసవి ప్రారంభమవుతున్న తరుణంలో మన పూర్వీకులు ఉగాది పచ్చడి తాగేవారని, దీని మూలంగా వ్యాధుల ప్రబలకుండా ఉంటాయన్నారు. షడ్రుచుల సమ్మేళనమే ఉగాది పచ్చడి అని అన్ని రకాలుగా ప్రతి మానవుడు తట్టుకోవాలన్నదే దీని ఉద్దేశం అన్నారు. ప్రతి ఒక్కరు ఆనందంగా ఉండాలని ఆయన ఆకాంక్షించారు. కార్యక్రమంలో హిందు వాహిని కార్యకర్తలు, బాధ్యులు, బిజెపి నాయకులు తదితరులు పాల్గొన్నారు