MADHAVRAO PATELS
కన్నుల పండుగ హోలీ సంబరాలు
మనోరంజని ప్రతినిధి ముధోల్ మార్చి 14 :- నిర్మల్ జిల్లా ముధోల్ నియోజకవర్గ కేంద్రమైన ముధోల్ తో పాటు వివిధ మండలాల్లో సోమవారం హోలీ పండుగ సంబరాలను అంగరంగ వైభవంగా జరుపుకున్నారు, కాముని దహనం వేడుకల తర్వాతి రోజు హోలీ పండుగను జరుపుకోవడం ఆనవాయితీగా వస్తుంది. హోలీ పండుగను పురస్కరించుకొని వాడవాడల్లా చిన్న పెద్ద అనే తేడా లేకుండా ప్రతి ఒక్కరు రంగులు చల్లుకొని శుభాకాంక్షలు తెలుపుకున్నారు. హోలీ పండుగ సందర్భంగా యువకులు ప్రత్యేకంగా విందులను ఏర్పాటు చేసుకొని సంబరాలు జరుపుకున్నారు. వివిధ రకాల వంటకాలను తయారుచేసి ఆరిగించారు. వివిధ గ్రామాలకు చెందిన ప్రజాప్రతినిధులు కార్యకర్తలు ఎమ్మెల్యేకు రంగులు వేసి శుభాకాంక్షలు తెలిపారు. ఎమ్మెల్యే మాట్లాడుతూ హోలీ పండుగ ప్రజల జీవితాల్లో కొత్త వెలుగును నింపాలని ఆకాంక్షించారు.ప్రజలందరూ సుఖ సంతోషాలతో ఉండాలని భగవంతుని ప్రార్థించారు. నియోజకవర్గ ప్రజలకు హోలీ పండగ శుభాకాంక్షలు తెలిపారు. హోలీ సంబరాల్లో ప్రజాప్రతినిధులు, అధికారులు పాల్గొని రంగులు చల్లుకున్నారు, గ్రామాల్లో ఎక్కడ చూసినా హోలీ పండుగ సంబరాల సందడి కనిపించింది.హెూలీ పండుగ సందర్భంగా ఎలాంటి అవాంఛనీయ సంఘటనలు జరగకుండా పోలీస్ శాఖ ఆధ్వర్యంలో గట్టి బందోబస్తు ఏర్పాటు చేశారు
