భారత క్రికెట్ జట్టు అద్భుతమైన ప్రదర్శనతో న్యూజిలాండ్‌ను ఓడించి ఐసీసీ ఛాంపియన్స్ ట్రోఫీ 2025ను కైవసం చేసుకుంది. జట్టు కఠిన శ్రమ, అంకితభావం, మరియు టీం వర్క్ వల్లే ఈ విజయం సాధ్యమైందని తెలంగాణ ఉప ముఖ్యమంత్రి భట్టి విక్రమార్క మల్లు పేర్కొన్నారు."భారత జట్టు మరోసారి దేశాన్ని గర్వపడేలా చేసింది. వారి అద్భుతమైన ప్రదర్శన కోసం హృదయపూర్వక అభినందనలు తెలియజేస్తున్నాను" అని భట్టి విక్రమార్క ట్విట్టర్ ద్వారా స్పందించారు. భారత జట్టు క్రమశిక్షణ, పట్టుదల, గొప్ప ఆట తీరుతో ప్రపంచ క్రికెట్‌లో మరో గొప్ప అధ్యాయాన్ని రాసిందని అభిప్రాయపడ్డారు. దేశవ్యాప్తంగా అభిమానులు సంబరాలు జరుపుకుంటున్నారు.