MADHAVRAO PATELS
ఎల్బీనగర్ ఎమ్మెల్యే సుధీర్ రెడ్డి ఖబర్దార్
ఆదివాసి మహిళ కార్పొరేటర్ పై అనుచిత వ్యాఖ్యలు సరైనది కాదు
కార్పొరేటర్ బాణావత్ సుజాత నాయక్ కు క్షమాపణ చెప్పాలి
ఆదివాసి కాంగ్రెస్ పార్టీ నిర్మల్ జిల్లా చైర్మన్ బాణావత్ గోవింద్ నాయక్
మనోరంజని ప్రతినిధి ఖానాపూర్ మార్చి 23 :- ఆదివాసి మహిళా కార్పొరేటర్ బాణవత్ సుజాత నాయక్ పై ఎల్బీనగర్ ఎమ్మెల్యే సుధీర్ రెడ్డి ఖబర్దార్ మా ఆదివాసి మహిళ కార్పొరేటర్ సుజాత నాయక్ పై అనుచిత వ్యాఖ్యలు చేసి అవమానించిన నువ్వు వెంటనే మా ఆడబిడ్డకు క్షమాపణ చెప్పాలని అదివాసి కాంగ్రెస్ జిల్లా చైర్మన్ బాణావత్ గోవింద నాయక్ డిమాండ్ చేశారు. ఆదివారం మండల కేంద్రంలో విలేకరులతో మాట్లాడుతూ ఒక ఆదివాసి మహిళ అని చూడకుండా అహంకార పూరితమైన మాటలు మాట్లాడడం సమాజానికి సిగ్గుచేటని సుధీర్ రెడ్డి లాంటి వ్యక్తులు రాజకీయ సమాజానికి పనికి రాడని తను తన పదవికి రాజీనామా చేయాలన్నారు. ఆదివాసుల జోలికొస్తే చూస్తూ ఊరుకునేది లేదని హెచ్చరించారు దొరల అహంకార ధోరణిని మార్చుకోకపోతే రానున్న కాలంలో తగిన మూల్యం చెల్లించుకోక తప్పదని ఎమ్మెల్యే సుధీర్ రెడ్డి పై ఆగ్రహం వ్యక్తం చేశారు. ఈ కార్యక్రమంలో ఆదివాసి కాంగ్రెస్ మండల చైర్మన్లు ఆత్రం ఊర్వేత ఆనందరావు రాజేశ్వర్ వసంతరావు వెడ్మ శేఖర్ జాదో రోహిదాస్ ప్రేమ్ దాస్ తదితరులు పాల్గొన్నారు
